A Press Release about PDAF
Public Relations
Bago pa man nabulgar ang “P10 Billion Pork Barrel Scam” na
kinasasangkutan ni Janet Lim-Napoles at ilang mga opisyal ng go...
Pautang pa ito ni PNoy samantalang ang PDAF ay libreng ipinamimigay! Sa 25
bilyong piso, halos 14 milyong Pilipino na ang ...
of 3

Press Release- PDAF

Press Release- PDAF
Published on: Mar 4, 2016
Published in: Government & Nonprofit      
Source: www.slideshare.net


Transcripts - Press Release- PDAF

  • 1. A Press Release about PDAF Public Relations
  • 2. Bago pa man nabulgar ang “P10 Billion Pork Barrel Scam” na kinasasangkutan ni Janet Lim-Napoles at ilang mga opisyal ng gobyerno (hindi lamang kongresista’t senador kundi maging mga kawani sa DBM at COA), alam na ng taumbayan ang ligal at iligal na paggamit ng mga pulitiko sa pondo ng gobyerno. Subalit ang problema – marami ang nanahahimik, maging ang mga ordinaryong mamamayang nagrereklamo sa buwis at korapsyon. Sila rin kasi ay natatalamsikan ng mantika ng “pork barrel” na tipak-tipak namang sinasagpang ng mga pulitiko. Ito ay mamamayang tinutulak ng desperasyon na pumila para sa mas mura o libreng gamot, pagpapagamot, pagpapaospital, iskolarship, at iba pang mga proyektong tinutustusan ng “pork barrel”. Sa Pilipinas, ang pork barrel ang nakalaang malaking halaga ng pambansang taunang badyet ng pamahalaan para sa mga mambabatas ng bansa. Ang bawat senador ay pinaglalaanan ng 200 milyong piso at ang bawat kongresistaay pinaglalaanan ng 70 milyong piso sa programang tinatawag na Priority Development Assistance Fund. Pero – sa diksyunaryong Oxford at Miriam-Webster – ang “pork barrel” ay mas malawak na ibig sabihin. Pumapatungkol sa paggamit ng mga pondo at sa mga proyekto na naglalayong kunin ang boto ng mga botante/mambabatas at isulong ang pampulitika’t kareristang interes ng mga halal na opisyal ng gobyerno Kinalaunan, mas ginagamit ang salitang “pork barrel” sa negatibong konteksto. Binigyang deskripsyon nito ang pagpopondo sa mga proyektong nakakonsentra sa piling mga lugar lang para makuha ng isang pulitiko o partido ang boto, tiwala’t suporta ng mga benepisyaryo ng pinondohang proyekto. Pinupuna rin nito ang inhustisya sa pondong mula sa pasaning buwis ng buong mamamayan ngunit napakinabangan lamang sa isang erya o teritoryo. Ayon kay Senador Panfilo Lacson, ang isang kurakot na mambabatas ay maaaring makakuha ng hindi bababa sa 20 porsiyentong komisyon sa paggamit ng kaniyang taunang itinalagangpork barrel para sa inprastraktura at iba pang mga proyekto. Ayon din kay Lacson, ito'y nangangahulugang ang isang kurakot na senador ay maaaring makapagbulsa ng 40 milyong piso kada taon, 240 milyong piso sa anim na taon at 480 milyon sa 12 taon. Ang taunang 25 bilyong pisong alokasyon sa PDAF ay katumbas ng pabahay para sa 62,500 pamilyang informal settler (P400,000 bawat isa). Halos 30 porsyento ng 92 milyong Pilipino ay informal settler. Tatlong taon nang naghihintay ang 104,000 pamilyang mahihirap na nakatira sa mga peligrosong lugar sa Metro Manila para sa katuparan ng P50 bilyong pabahay.
  • 3. Pautang pa ito ni PNoy samantalang ang PDAF ay libreng ipinamimigay! Sa 25 bilyong piso, halos 14 milyong Pilipino na ang libreng maisasali sa programa ng PhilHealth gaano man kakapos ang serbisyong ibinibigay nito. Kahit paano’y maiibsan sana ang mahigit 50 porsyentong gastusin sa serbisyong pangkalusugan na direktang nanggagaling sa bulsa ng mamamamayan (Philippine National Health Accounts 2011). Marami pang katumbas ang perang ito. Labas pa ito sa pondong nakalaan para sa mga programang nakatakda na sa ilalim ng mga ahensya ng pamahalaan at sa mismong pork barrel ng presidente. Napakalaki ng pondong nakokolekta mula sa buwis na pasan ng taumbayan. Ngunit imbes na paglaanan ang isang pangmatagalan, komprehensibo at makatuwirang plano tungo sa progresong panlipunan, ito ay nagsisilbi sa panandalian, makitid at makasariling interes ng iilang pulitiko. Sa paglipas ng mga taon, nawawaldas ang pondo ng gobyerno dahil sa “pork barrel”. Hindi ito nailalaan sa pagpupundar ng mga sangkap para sa isang masiglang ekonomiya: ang modernisasyon ng agrikultura at industriyalisasyon. Mas maliit din kumpara sa naibabayad sa utang-panlabas – ang pondo para sa iba’t ibang pangangailangan ng taumbayan: kalusugan, edukasyon, pabahay, atbp. Tama at napapanahon na alisin na ang pork barrel. Tama at makatwiran na imbestigahan si Janet Lim-Napoles upang mapalutang ang mga senador at konggresistang kasabwat nito sa karumaldumal na krimen sa taumbayan. Ngunit, mas makakamit ang tunay na hustisya kung ang PDAF ay direktang pakikinabangan ng mga mamamayan. “Pork barrel” ang dahilan ng paghahangad ng mga pulitiko na makapwesto sa gobyerno. Hindi nakapagtatakang nakapabilis magpalit ng kulay ang mga pulitiko. Bumabalimbing at tumatalon sa naghaharing partido ng administrasyon. Hindi nag-uusap ng prinsipyo, programa o plataporma. Hindi inaalam ng mga namumuno kung saang direksyon dadalhin ang bansa. Kaya ang ating bayan ay maihahambing sa barkong hindi alam kung saan tutungo.

Related Documents